بعض الناس ...
يحوم حول الشيء..لكنه مايسوي شيء...
وبعض الطيور..الصقور..تخم الصيده لكن ماتطلع الا بريش...
وفيه ناس يقبلون على الشيء..وعقبن يهونون ويعودون..او يتعبون او ييأسون...
وفيه ناس لا..اذا بغى شي ياصله..واذا ماوصل يحاول...
واذا ماحاول يموت من دونه..لكن المهم يعطي كل شيء حقه...

انا احب الشخص اللي يعطي كل شيء حقه...

شربت من الهوى وافعمت كاسي
ونبهت العيون مـــــــــــــن النعاس

أجاوب صادح القمري واغنـــــــــي
واذكر بالهوى من كان نــــــــاسي

ونجمة صبح ترقص من طربهـــــــا
على نغمات يطردن العمــــــــاس

وانا لى من بغيت أمر عطيتـــــــه
جميع حقوقه وطـــــــربت راسي

حلاة العمر تلحق مـــــــــــا تريده
وياتي لين ما كان قــــــــــــاسي

إلى مـــــــــــن الزمان أقبل ربيعه
خذ من زهور ريضانــــــــــه لباس

ترى للوقت هــــــــــــــزه وانقلابه
تهز جبالها لــــــــــو هي رواسي

عليك بساعة الفرحة تـــــــــراها
ترد الروح من عقب المــــــآسي